मराठी नाटक – डंख

’अभिव्यक्ती’ प्रस्तुत, विरेन आणि मोहना दिग्दर्शित रहस्यमय नाटक डंख!
तारीख – शनिवार, ५ मे २०१८
वेळ – ३:३० ते ६:१५ (२० मिनिटं मध्यंतरासह)
स्थळ – Harold E Winkler Middle School
4501 Weddington Rd NW
Concord, NC 28027

Dankh marathi poster v1

संपत्तीचा हव्यास मानवी संबंधात कटुता आणतोच पण त्याचबरोबर माणसातलं पशुत्वही जागा करतो. विकास आणि शुभदा इनामदारांचं घर याचं जितंजागतं उदाहरण. मुंबईसारख्या मोहमयी दुनियेत राहणारा विकास जितका ऐषारामी आहे तितकाच संधीसाधू, फायद्यावर डोळा ठेवणारा. शुभदाला वडिलोपार्जित व्यवसायात काडीचाही रस नाही. पण अचानक तिचा भाऊ, शशांक, त्याचा मनसुबा जाहीर करतो आणि विकासचं धाबं दणाणतं. त्यानंतर सुरू होते गूढ घटनाक्रमांची साखळी.  काय होतं विकास इनामदारांच्या व्यवसायाचं आणि त्यात गुंतलेल्या सार्‍यांचंच? – अभिव्यक्ती’ प्रस्तुत, विरेन आणि मोहना दिग्दर्शित रहस्यमय नाटक डंख!

कलाकार प्रवेशानुक्रमे – पर्णिका जोगळेकर, तृप्ती बिडीकर, मोहना जोगळेकर,  कुमार डोंगरे, मिलिंद मराठे, मेघना कुलकर्णी, रणजित गुर्जर, शैलजा मेहता, तेजस्विनी दलाल, दीप्ती ओक, राहुल गरड.

आवाज – प्रसिद्ध अभिनेते – वैभव मांगले आणि नंदू माधव

मूळ लेखक – सुरेश जयराम, संहिता बदल – मोहना जोगळेकर. अनुवाद – कुमार डोंगरे.

दिग्दर्शन – विरेन आणि  मोहना.नेपथ्य  संकल्पना – विरेन.

साहाय्य – गौरव लोहार, चिराग दुआ,  केदार हिंगे, अमोल कुलकर्णी, वेदिका आणि राजीव तोंडे, मेघना एकबोटे, पर्णिका आणि मोहना .

रंगभूषा – गीता गुर्जर, मेघना कुलकर्णी, वेदिका तोंडे, शैलजा मेहता. संगीत नियोजन – विरेन जोगळेकर, तंत्रज्ञ – रश्मी नळदकर, प्रकाशयोजना – निनाद सुळे.  छायाचित्र – नितिन पटवर्धन, जाहिरात – वेदिका तोंडे.

तारीख – शनिवार, ५ मे २०१८
वेळ – ३:३० ते ६:१५ (२० मिनिटं मध्यंतरासह).
स्थळ  – Harold E Winkler Middle School
Advertisements

ओळख

निखळ विनोद मन प्रसन्न करतो, पोट धरून हसवतो. वेगळे विषय मनाला स्पर्श करुन जातात, चटका लावतात, भावनाविवश करतात, विचारांना चालना देतात. मराठी नाटक आपला जिव्हाळ्याचा विषय. त्याचंच लघुस्वरुप म्हणजे एकांकिका.
अभिव्यक्तीच्या दरवर्षीच्या कार्यक्रमामागे हाच उद्देश असतो. नाट्यगृह खर्च, जाहिरात, नेपथ्य, संगीत, पत्रकं, तिकिटं, टेक डे, बेबीसिटींग, सरावाच्या वेळा, व्यवस्था आणि त्या बरोबर येणार्‍या अडचणी, अडथळे अशी व्यवधानं सांभाळावी लागतात, पण त्याचबरोबर कितीतरी गोष्टीचं स्वातंत्र्य अबाधित राहतं. कल्पना प्रत्यक्ष उतरवता येतात. याला साथ असते अथकपणे महिनो न महिने सराव करणार्‍या कलाकारांची. नेपथ्य, संगीत, प्रकाशयोजना सांभाळणार्‍यांची आणि अर्थातच कलाकारांच्या घरातील इतर मंडळीची.

इतकं सगळं झालं की उरतो तो मायबाप रसिकांचा पाठींबा. प्रेक्षकांसाठी हा एक फक्त दिवस असतो, आमच्यासाठी सहा महिन्यांची तयारी त्या एका दिवशी ’पणा’ ला लावायची असते.. तुम्ही आवर्जून एकांकिका पहायला येता, कौतुक, मार्गदर्शन करता, वेगवेगळे विषय सुचवता आणि पुन्हा पुढच्या वर्षीची तयारी मनात सुरु होते.

’अभिव्यक्ती’ तर्फे सादर झालेल्या एकांकिका/नाटक